Zalevskiy murabbiy topshirig'ini aniq bajarganini aytdi

A Seriyasining navbatdagi uchrashuvida “Atalanta” “Jenoa”ni o'yinning so'nggi soniyalarida taslim etdi. Jamoa standart vaziyatdan so'ng hal qiluvchi gol urib, g'alabani ilib ketdi.

Uchrashuvning ikkinchi bo'limida maydonga tushgan Nikola Zalevskiy “Atalanta” hujumlariga yangi sur'at baxsh etdi va yakuniy muvaffaqiyatga sezilarli hissa qo'shdi. “Maydonga tushayotganimda murabbiy mendan odatdagidek o'ynashni, himoyaga yordam berishni va xavf tug'dirayotgan Norton-Kaffini imkon qadar nazorat ostida ushlab turishni so'radi.

Men topshiriqni bajardim, bizga uch ochko juda zarur edi”, — deya futbolchining so'zlarini calcioatalanta.it keltirdi. Ushbu g'alaba “Atalanta”ga A Seriyasi turnir jadvalida 9-o'ringa ko'tarilish imkonini berdi.