Miyatovich Vinisiusning «Real»dagi kelajagi haqida gapirdi

Madridning «Real» klubi sobiq hujumchisi Predrag Miyatovich braziliyalik vinger Vinisius Juniorning «qirollik» klubi bilan shartnomasi borasida fikr bildirdi. «Klub har doim birinchi o‘rinda turishi kerak, futbolchi emas.

«Real» dunyodagi eng katta klub. Agar Junior yangi kelishuvni imzolashni istamasa, uni sotish kerak.

U Mbappe yoki Messi kabi shartnoma talab qilyaptimi? Bu faqat shuni anglatadiki, Vinisius shartnomani uzaytirishni istamayapti», — deya Miyatovichning so‘zlarini AS nashri keltiradi.

Joriy mavsumda braziliyalik futbolchi 24 ta o‘yinda maydonga tushib, 5 ta gol va 8 ta assist qayd etdi. Uning «Real» bilan amaldagi shartnomasi 2027 yil iyun oyi oxirida yakunlanadi.