Kassano Konte Italiyadagi eng yaxshi murabbiy ekanini ta'kidladi

Italiyaning bir qator klublarida to'p surgan sobiq futbolchi Antonio Kassano o'z hamyurti Konte haqida iliq fikr bildirdi. Uning so'zlariga ko'ra, Italiyada murabbiylik borasida Kontega teng keladigan inson yo'q.

"Agar Konte jamoalarida normal rotatsiya amalga oshirilsa va muhim futbolchilar uchun munosib o'rinbosarlar bo'lsa, uni mag'lub etish juda qiyin. Hozirgi Italiyada u mutlaq eng yaxshi murabbiy.

G'alaba uning qonida bor, xarizma va futbolchilarning hurmati ham unga xos. Konte haqida yomon gap aytib bo'lmaydi", – deya Kassanoning so'zlarini keltiradi calcionapoli1926.it.

Eslatib o'tamiz, Antonio Konte 2024 yil yozida klubni boshqargan va allaqachon ikki sovringa, jumladan Skudettoga erishgan.