Vyerining fikricha dunyodagi eng kuchli liga Seriya A hisoblanadi
«Milan»ning sobiq hujumchisi Kristian Vyeri Italiyaning Seriya A chempionatini bugungi kunda futbol olamidagi eng nufuzli va kuchli liga sifatida e’tirof etdi. Bu haqda euro-football.ru xabar beradi.
Mutaxassisning ta’kidlashicha, Italiya chempionatida doimiy intriga bor: sovrin uchun bir emas, bir nechta asosiy da’vogarlar bir paytning o‘zida kurash olib boradi.
«Har bir o‘yin — jang. Seriya A Yevropadagi eng yoqimli chempionat. Peshqadamlar tez-tez almashadi, baribir biz to‘rt klub o‘rtasidagi kurashdan zavq olamiz», — dedi Vyeri La Gazzetta dello Sport nashriga.
Hozirda turnir jadvalida «Inter» peshqadam: 15 turdan so‘ng milanliklar 33 ochko to‘plagan. «Neradzzurri»dan keyin «Milan» (32), «Napoli» (31), «Roma» (30) va «Yuventus» (29) joylashgan.
