Ronaldu 40 yoshida ham futbolni tark etmayapti

«Al-Nasr» hujumchisi Krishtianu Ronaldu 40 yoshida ham maydonga tushishda davom etayotganiga izoh berdi. Portugaliyalik yulduzning ta'kidlashicha, u hanuz yuqori motivatsiyani saqlab qolgan. Bu haqda euro-football.ru xabar beradi.

Ronaldu Globe Soccer Awards marosimida sahnadan turib, futbolni davom ettirish oson emasligini, biroq undagi ishtiyoq hammasidan ustunligini aytdi. Uning so'zlariga ko'ra, u hali ham g'alaba qozonish, sovrinlar yutish va gollar urishni xohlaydi.

Ma'lumki, Ronaldu Yaqin Sharqning eng yaxshi futbolchisi sovrinini qo'lga kiritdi. Ushbu mukofot unga ketma-ket uchinchi yil topshirildi.

40 yoshli futbolchi joriy kalendar yilida 40 ta gol urishga ham ulgurgan.