Toni Kroos birga o'ynagan eng kuchli futbolchini aytdi

Germaniya terma jamoasi va Madridning «Real» klubida to'p surgan sobiq yarim himoyachi Toni Kroos faoliyati davomida bir jamoada o'ynagan eng zo'r futbolchini nomladi. Bu haqda euro-football.ru xabar beradi.

AS nashriga ko'ra, Kroos bu borada tanlovini Krishtianu Ronaldudan to'xtatgan: «Ronaldu — men birga o'ynagan eng yaxshi futbolchi», — dedi u.

Eslatib o'tamiz, Kroos va Ronaldu «Real» safida 2014 yildan 2018 yilgacha birga harakat qilgan.

Kroos futbolchilik faoliyatini yakunlagan. 40 yoshli Ronaldu esa Saudiya Arabistoni chempionatida «Al-Nasr» sharafini himoya qilmoqda. Portugaliyalik hujumchining shartnomasi 2027 yil iyun oyi oxirigacha mo'ljallangan, uning bozor qiymati 12 mln yevroga baholanmoqda.