Barselona himoyachisi Fort jarrohlik amaliyotini boshdan kechirdi

«Barselona»ning o‘ng qanot himoyachisi Ektor Fort, hozirda ijara asosida «Elche» safida to‘p surayotgan paytida jarohat olib qoldi. Bu haqda euro-football.ru xabar beradi.

19 yoshli futbolchi o‘tgan turda «Rayo Valyekano»ga qarshi uchrashuvning 6-daqiqasida gol urishga ulgurdi, biroq 12-daqiqada yelkasidan chiqqan jarohat sabab o‘yinini davom ettira olmadi. Sport manbasiga ko‘ra, Fort operatsiya qilindi va tiklanish jarayoni bir necha hafta davom etishi kutilmoqda.

Fort «Elche»dagi 12 o‘yinda 2 ta gol va 2 ta assist qayd etgan. Ma’lumotlarga ko‘ra, «Barselona» rahbariyati futbolchining ijaradagi o‘yinidan mamnun va u kelasi mavsumda Hans-Diter Flik jamoasida o‘rin uchun bemalol kurasha oladi, deb hisoblamoqda.