Pyanich Yuventusning jadvaldagi ko'tarilishidan hayratlanmadi

"Yuventus"ning sobiq yarim himoyachisi Miralem Pyanich Turin klubining Luichano Spalletti qo'l ostidagi natijalari haqida fikr bildirdi. Bu haqda euro-football.ru xabar beradi.

Pyanichning aytishicha, jamoaning turnir jadvalida yuqorilashi uni ajablantirmagan. U Spalletti kelishi bilan bunday o'sishni kutganini ta'kidladi: tajribali murabbiy yuqori darajada natija kafolati bo'lib, u bilan tenglasha oladiganlar ko'p emas.

Spalletti joriy yil oktyabr oyi oxirida "Yuventus"ni qabul qilib olgan. A Seriyada 17 turdan so'ng turinliklar 32 ochko bilan beshinchi o'rinda bormoqda, peshqadamdan ortda qolish esa atigi to'rt ochkoni tashkil etadi.