Kafu Milan uchun asosiy xavf kimdan kelishini aytdi

Braziliya futboli afsonasi Kafu sobiq jamoasi «Milan»ni skudetto uchun haqiqiy da’vogar deb hisoblaydi. Intervyu chog‘ida undan «Milan»ning chempionlik poygasidagi eng xavfli raqibi kimligi so‘raldi. Bu haqda euro-football.ru xabar beradi.

Kafuning fikricha, Italiyada chempionlik uchun kurash keskin kechadi va hozirgi uch yetakchi jamoaning har biri sovrinni qo‘lga kiritishi mumkin. Shunga qaramay, u «Roma»ni ham e’tibordan chetda qoldirmaslikni tavsiya qildi, shuningdek, «Yuventus» ham Spalletti qo‘l ostida tobora formaga kirib borayotganini ta’kidladi.

Eslatib o‘tamiz, Kafu A Seriyada aynan «Roma» va «Milan» safida to‘p surgan, Italiyadagi faoliyati jami 11 yilni tashkil etgan.