«Lids»-«Manchester Yunayted» o‘yinida durang: MY yana muammoga duch kelyapti
Angliya Premer-Ligasining 20-turida «Manchester Yunayted» safarda «Lids»ga qarshi maydonga tushdi. Bellashuv 1:1 hisobida yakuniga yetdi. Dastlab mezbonlar safida Aaronson 62-daqiqada hisobni ochgan bo‘lsa, ortidan 3 daqiqa o‘tib, Kunya hisobni tenglashtirdi.
Shu tariqa, «Manchester Yunayted» 31 ochko bilan 5-o‘ringa ko‘tarildi. «Lids» esa 22 ochko bilan 16-pog‘onada qoldi.
APL 20-tur
Lids — Manchester Yunayted 1:1
Gollar: Aaronson 62 – Kunya 65
Lids: Perri, Streyk, Yaka Biyol, Bornau, Gudmundsson, Aaronson (Piroye, 87), Stax, Jastin, Gruyev (Tanaka, 80), Kalvert-Lyuin, Okafor (Nmecha, 75)
Manchester Yunayted: Lammens, Martines, Yoro (Zirkzee, 63), Xeven, Dalot, Kunya, Dorgu, Kazemiro, Shou, Ugarte, Sheshko.
Manchester Yunayted uchun so‘nggi 5 o‘yinda atigi bir g‘alaba qayd etildi, shuningdek oxirgi 11 uchrashuvda 3 g‘alaba, 6 durang va 2 mag‘lubiyat bor. Jamoa natijalarda barqarorlikka erisholmayapti, bu esa klub atrofidagi bosimni yanada kuchaytirmoqda. Mankuniyanliklar o‘zlarining o‘yinlarini o‘zgartirishga muhtoj.
