Simeone Superkubokdagi Madrid derbisi oldidan fikr bildirdi

«Atletiko» bosh murabbiyi Diyego Simeone Ispaniya Superkubogi yarim finalida «Real»ga qarshi o‘yin arafasida jamoasining kayfiyati va yondashuvi haqida gapirdi. Bu haqda euro-football.ru xabar beradi.

Mutaxassisning ta’kidlashicha, har bir uchrashuv alohida voqea: avvalgi o‘yinlar ertangi bahsga ta’sir qilmaydi. Simeone «Atletiko» turnirdagi kurashni davom ettirish uchun maydonga maksimal darajada to‘g‘ri va tartibli chiqishi kerakligini qayd etdi.

«Atletiko» — «Real» uchrashuvi 8-yanvar kuni 00:00 da (Toshkent vaqti bilan) start oladi. Bu juftlik g‘olibi finalda «Barselona»ga qarshi maydonga tushadi.