Tottenhem Angliya Kubogida 2013/14dan beri ilk bor erta to'xtadi

Londonning “Tottenhem” klubi Tomas Frank boshchiligida navbatdagi omadsizlikka uchradi: “Aston Villa”ga qarshi bahsda 1:2 hisobida mag'lub bo'lib, Angliya Kubogi musobaqasini tark etdi. Bu haqda euro-football.ru xabar beradi.

Uchrashuvdan keyin ma'lum bo'lishicha, “shporlar” Angliya Kubogida bu qadar erta — to'rtinchi raundgacha yetib bormasdan — so'nggi bor 2013/2014 mavsumida to'xtagan edi.

Jamoaning Premer-ligadagi holati ham ko'ngildagidek emas: klub turnir jadvalining quyi qismida qolib ketgan va hozircha 14-o'rinda bormoqda.

“Tottenhem” Angliya Kubogini oxirgi marta 1991 yilda yutgan. Umuman olganda, londonliklar bu sovrinni sakkiz bor qo'lga kiritgan.