Yuventus Vlahovich o'rniga Matetani ko'z ostiga oldi

"Kristal Pelas" hujumchisi Jan-Filipp Mateta Angliya Premer-ligasini tark etib, Italiya A Seriyasiga yo'l olishi mumkin. Tuttosport xabariga ko'ra, 28 yoshli fransuz forvardi Turin klubi radariga tushgan. Bu haqda euro-football.ru xabar beradi.

Manbaga ko'ra, "Yuventus" rahbariyati Matetani transfer qilish uchun 20–25 million yevro ajratishga tayyor. U jamoada serbiyalik Dushan Vlahovichning ehtimoliy o'rnini bosishi mumkin, chunki hujumchini yaqin kelajakda sotish varianti ham ko'rib chiqilmoqda.

Joriy mavsum APLda Mateta 21 uchrashuvda maydonga tushib, 8 ta gol urdi. Uning "Kristal Pelas" bilan amaldagi shartnomasi 2027 yil yozigacha mo'ljallangan.