Manchester Yunayted Xabi Alonsoni bosh murabbiylikka ko'rib chiqmoqda
“Manchester Yunayted” Ruben Amorim iste'foga chiqarilganidan keyin jamoaga yangi bosh murabbiy izlash jarayonini davom ettirmoqda. Bu haqda euro-football.ru xabar beradi.
Indykaila News xabariga ko'ra, “qizil iblislar” sobiq “Real” murabbiyi Xabi Alonsoni taklif qilish variantini ham muhokama qilmoqda. Klub rahbariyati ispaniyalik mutaxassisga u Madrid jamoasidagi lavozimini tark etganidan ko'p o'tmay e'tibor qaratgan. Biroq “MYU” rahbarlari Alonsoni Angliyaga kelib, jamoani qabul qilishga ko'ndirishlari kerak bo'ladi. Hozircha ispaniyalik murabbiy bu ishga tayyormi-yo'qmi, noma'lum.
Eslatib o'tamiz, 12-yanvar kuni “Real” Xabi Alonso bosh murabbiylikdan ketganini rasman ma'lum qildi. U “qirollik klubi”ni 2025-yil yozidan buyon boshqarib kelayotgandi.
