Mark Gexi Manchester Sitidagi ustunlikdan hayratda qoldi

Himoyachi Mark Gexi yangi jamoasidan mamnun. Dushanba kuni 25 yoshli futbolchining «Kristal Pelas»dan «Manchester Siti»ga transferi rasman e’lon qilindi. Bu haqda euro-football.ru xabar beradi.

Gexining aytishicha, «Manchester Siti»ning so‘nggi yillardagi natijalari klubning maydondagi mutlaq ustunligini yaqqol ko‘rsatadi. U «shaharliklar»ning bosib o‘tgan yo‘li va yanada o‘sishga bo‘lgan intilishi juda ta’sirli ekanini ta’kidladi hamda jamoaga yordam berib, o‘z hissasini qo‘shishni istashini bildirdi.

Ma’lum qilinishicha, Mark Gexi «Manchester Siti» bilan 2030/2031 mavsumi yakunigacha mo‘ljallangan shartnoma imzoladi. U yangi klubida 15-raqam ostida to‘p suradi.