Lorenzo Insinye yana Napoli safiga taklif qilindi

Italiyalik qanot hujumchisi Lorenzo Insinyening xizmatlari yana «Napoli»ga taklif qilindi. Bu haqda insayder Nikolo Skira xabar berdi. Bu haqda euro-football.ru xabar beradi.

Manbaga ko'ra, 34 yoshli futbolchi neapolliklar bilan olti oylik qisqa muddatli shartnoma imzolashga tayyor, kelishuvni yana bir yilga uzaytirish bandi ham ko'zda tutilishi mumkin. Qayd etilishicha, Insinye Neapolga qaytish uchun maosh borasida pastroq shartlarga ham rozi bo'lishi mumkin.

Insinye «Napoli» akademiyasi tarbiyalanuvchisi hisoblanadi. U asosiy jamoada 2010–2022 yillarda to'p surgan, shundan keyin uch yil Kanadaning «Toronto» klubida o'ynadi. O'tgan yozdan beri futbolchi erkin agent maqomida, biroq sport formasini ushlab turish ustida faol ishlamoqda.