Shalimov Zaxaryanning Rossiyada ham asosiyga kirishi shubhali dedi
"Krasnodar"ning sobiq bosh murabbiyi Igor Shalimov "Real Sosyedad" yarim himoyachisi Arsen Zaxaryan kelajagi borasida fikr bildirdi. Bu haqda euro-football.ru xabar beradi.
Ispaniya OAVida chiqqan xabarlarga ko'ra, klub endi futbolchiga katta umid bog'lamayapti va yaqin orada u jamoasini o'zgartirishi mumkin.
Shalimov "Match TV" efirida "Real Sosyedad" hozir Zaxaryan uchun yangi jamoa topishi qiyinligini, Yevropada ijaraga berish varianti ham hozircha aniq emasligini ta'kidladi. Ekspert futbolchi ketma-ket jarohatlar olayotgani, hatto Rossiyaga qaytsa ham boshlang'ich tarkibdan joy olib keta olishi kafolatlanmaganini aytdi.
Eslatib o'tamiz, rossiyalik futbolchi San-Sebastyan klubi safiga 2023 yil o'rtalarida uzoq muddatli shartnoma asosida qo'shilgan. Joriy mavsumda u 19 ta uchrashuvda maydonga tushib, 1 ta gol urdi.
