Nant klub tarixidagi eng yomon 19 tur natijasini qayd etdi

Fransiya chempionatining 19-turida «Nant» «Nitsa»ga qarshi o‘yinda yirik hisobda mag‘lub bo‘ldi — 1:4. Bu haqda euro-football.ru xabar beradi.

Bu «kanareykalar» uchun joriy mavsumdagi 11-mag‘lubiyat bo‘ldi. 19 turdan keyin «Nant» turnir jadvalida atigi 14 ochko jamg‘argan.

Bu ko‘rsatkich klubning Fransiya oliy ligasidagi butun tarixida antirekord sifatida qayd etildi — «Nant» avval hech qachon 19 turdan so‘ng bu darajada past natija ko‘rsatmagan.

Hozir jamoa turnir jadvalida 16-o‘rinda bormoqda. Keyingi turda «Nant» 1-fevral kuni safarda «Loryan»ga qarshi maydonga tushadi.