Slutskining jamoasi Osiyo Chempionlar Ligasida yana yutqazdi

Leonid Slutskiy boshqaruvidagi «Shanxay Shenxua» Osiyo Chempionlar Ligasining umumiy bosqichi 6-turida safarda «Sanfrecce Xirosima»ga 0:1 hisobida imkoniyatni boy berdi va yana ochkosiz qoldi. Bu haqda euro-football.ru xabar beradi.

Uchrashuvdagi yagona gol 78-daqiqada kiritildi: mezbonlar himoyachisi Hayato Araki hal qiluvchi zarbani yo'lladi. Bu natija Xitoy klubining turnirdagi ketma-ket uchinchi mag'lubiyati bo'ldi.

Olti turdan so'ng «Shanxay Shenxua» 4 ochko bilan jadvalda 11-o'rinni egallab turibdi. «Sanfrecce Xirosima» esa 11 ochko jamg'argan holda uchinchi pog'onada bormoqda.