Rossiya terma jamoasi martda Peterburg va Krasnodarda o'ynaydi

Rossiya terma jamoasi mart oyi oxirida ikki o'rtoqlik uchrashuvini Sankt-Peterburg va Krasnodarda o'tkazadi. Bu haqda euro-football.ru xabar beradi.

Birinchi bahs 27 mart, juma kuni mamlakatning shimoliy poytaxtida bo'lib o'tadi. 31 mart kuni esa Valeriy Karpin boshqaruvidagi jamoa Krasnodarga yo'l oladi.

"Sport-Ekspress" xabariga ko'ra, ushbu o'yinlarda rossiyaliklarning raqiblari keyinroq ma'lum qilinadi.

Avvalroq RFU rahbari Aleksandr Dyukov potensial sparring-raqiblar bilan muzokaralar allaqachon boshlanganini aytgandi.

Dyukovning ta'kidlashicha, taqvim terma jamoaning xalqaro maydonga qaytishi ehtimoli inobatga olingan holda tuzilmoqda, biroq amaldagi sanksiyalar uzaytirilishi mumkin bo'lgan ssenariy ham ko'rib chiqilyapti.