Attila Salai Polsha chempionati klubiga ijaraga o'tdi

Vengriyalik himoyachi Attila Salai Polsha chempionatidagi «Pogon» klubiga qo'shildi. U «Hoffenxaym»dan ijara asosida transfer qilindi va kelishuv joriy futbol mavsumi yakunigacha mo'ljallangan. Bu haqda euro-football.ru xabar beradi.

27 yoshli futbolchi «Hoffenxaym» safiga 2023 yil yozida kelib qo'shilgan. Shunga qaramay, ikki yarim yil ichida u to'rt marta ijara asosida boshqa jamoalarga yo'l oldi: avvalroq u «Frayburg», «Standard» va «Kasimpasha»da ham to'p surgan.

Transfermarkt portaliga ko'ra, Salaining bozor bahosi 2 million yevroni tashkil etadi. Bir necha yil avval esa, mish-mishlarga ko'ra, himoyachiga Rossiyaning so'nggi yetti mavsumida olti bor chempion bo'lgan «Zenit» ham qiziqish bildirgan.