David Trezege Buenos-Ayresda River Pleyt rahbariyatiga qoʻshildi

Turinning «Yuventus» klubi va Fransiya terma jamoasining sobiq hujumchisi David Trezege Argentinaga qaytdi. U avvalroq «River Pleyt» safida ham toʻp surib, hatto mamlakatning ikkinchi ligasida chempionlikni qoʻlga kiritgan edi. Bu haqda euro-football.ru xabar beradi.

Endilikda Trezege klubga futbolchi sifatida emas, rahbariyat tarkibida qaytmoqda. «River Pleyt» uni butun boshqaruv jamoasi ishtirokida taqdimot marosimida tanishtirdi.

Trezening aniq lavozimi hozircha oshkor qilinmadi. Klub maʼlumotiga ko‘ra, u strategik masalalar bilan shugʻullanadi va «River Pleyt»ni institutsional darajada namoyon etadi.

Eslatib oʻtamiz, fransuz futbolchi professional faoliyatini 2015 yilda yakunlagan.