Ilkay Gyundogan Siti Arsenaldan o'zib ketishiga ishonadi

«Galatasaroy» yarim himoyachisi Ilkay Gyundogan Angliya Premyer-ligasidagi chempionlik poygasi haqida fikr bildirdi. Bu haqda euro-football.ru xabar beradi.

35 yoshli futbolchi chorshanba kuni Chempionlar ligasi umumiy bosqichining so'nggi turida sobiq jamoasi «Manchester Siti»ga qarshi maydonga tushadi.

Gyundoganning ta'kidlashicha, «Siti» «Arsenal»ni ortda qoldirib, Premyer-liga chempionligini qo'lga kiritishi mumkin. U so'nggi paytlarda farq qisqarganini eslatib, «shaharliklar» formaga kirsa, uzoq vaqt mag'lubiyatsiz seriya qayd etishga qodir jamoa ekanini aytdi. Shuningdek, u jamoa va murabbiyga ishonishini bildirib, ularga omad tiladi.

Eslatib o'tamiz, 23 turdan so'ng «Manchester Siti» APL jadvalida peshqadam «Arsenal»dan to'rt ochko ortda bormoqda.