Di Mariya Argentinada simulyatsiya ayblovlari ostida qoldi

Anxel di Mariya vatani Argentinaga qaytgach, dastlabki o'yinlarda o'zini yaxshi ko'rsatdi. Biroq keyingi haftalarda uning atrofidagi fon keskin o'zgardi: muammo natijalardan ko'ra ko'proq raqiblar va muxlislar noroziligi bilan bog'liq. Bu haqda euro-football.ru xabar beradi.

Mahalliy muhokamalarda di Mariyani maydonda tez-tez yiqilib, fol ishlatishga urinishi va penalti “so'rashi” mumkinligi haqida e'tirozlar ko'paydi. Argentina chempionatida "Rosario Sentral" safida to'p surayotgan sobiq "Manchester Yunayted" va "Real" futbolchisining harakatlari ko'pchilik tomonidan keskin tanqid qilinmoqda.