Luis Enrike Safonov va Shevale raqobati haqida gapirdi
PSJ bosh murabbiyi Luis Enrike jamoada darvozabonlar o‘rtasidagi “birinchi raqam” uchun kurash mavzusiga munosabat bildirdi. Bu haqda euro-football.ru xabar beradi.
Fransiya Ligasining “Marsel”ga qarshi yakshanba kungi bahsida parijliklar darvozasini yana Matvey Safonov qo‘riqladi. Rossiyalik posbon uchta zarbani qaytarib, darvozasini daxlsiz saqladi, PSJ esa 5:0 hisobida yirik g‘alabaga erishdi. Lyuka Shevale uchrashuvni zaxirada o‘tkazdi.
“Menga omad kulib boqgan: menda juda yuqori saviyadagi uch nafar darvozabon bor. Ularning har biri nafaqat individual jihatdan, balki jamoaviy o‘yin nuqtayi nazaridan ham foydali”, — deya Enrikening so‘zlarini FootMercato keltirdi.
Joriy mavsum Safonov barcha musobaqalarda 7 ta o‘yinda maydonga tushib, 5 ta gol o‘tkazib yubordi va 3 bor “quruq” o‘yin qayd etdi.
