Lechche Udineze ustidan irodali g'alabani ilib ketdi
Italiya A Seriyasining 24-turida «Lechche» o'z maydonida «Udineze»ni qabul qildi va uch ochkoni so'nggi daqiqalarda o'z tomoniga og'dira oldi. Bu haqda euro-football.ru xabar beradi.
Uchrashuvning 5-daqiqasida Yesper Karlstremning xatosidan so'ng Omri Gandelman hisobni ochdi — 1:0. 26-daqiqada esa Umar Sole 11 metrlik jarima zarbasini aniq ijro etib, darvozabonni aldadi va muvozanatni tikladi — 1:1.
O'yin oxirlariga borib «Lechche» hujumlarni kuchaytirdi: Konan N'Dri uzoq masofadan yo'llagan zarbada nishonni sal chetlab o'tdi. Biroq 90-daqiqada Lamek Banda jarima zarbasidan to'pni aniq burchakka yo'llab, mezbonlarga g'alabani taqdim etdi — 2:1.
Shu tariqa «Lechche» g'alabasiz seriyasiga yakun yasadi va tushib ketish zonasidan 3 ochkoga uzoqlashdi. «Udineze» esa turnir jadvalida sakkizinchi o'rinni bir necha jamoa bilan bo'lishib turibdi.
