Barselonadan kelgan Dro PSJ safida ilk bor maydonga tushdi
Hujumkor yarim himoyachi Dro Fernandes "Pari Sen-Jermen" safida debyut uchrashuvini o‘tkazdi. 18 yoshli ispaniyalik futbolchi Liga 1 doirasida "Marsel"ga qarshi uy uchrashuvida zaxiradan maydonga tushdi. Bu haqda euro-football.ru xabar beradi.
Fernandes 75-daqiqada o‘yin davomida almashinuv orqali maydonga kirdi. Bu paytga kelib "Park de Prens" stadionidagi tablodagi hisob allaqachon yakuniy ko‘rinishga kelib bo‘lgan edi — 5:0. Start hushtagidan avval futbolchi muxlislarga tantanali tarzda tanishtirildi.
Eslatib o‘tamiz, Dro yanvar oyining oxirida "Barselona"dan PSJga ko‘chib o‘tgan. Parij klubi "ko‘k-anorranglilar" tarbiyalanuvchisi uchun 8 mln yevro to‘lagan.
21-turdan so‘ng PSJ Liga 1 turnir jadvalida peshqadamlik qilmoqda. Luis Enrike jamoasi ikkinchi o‘rindagi "Lans"ni ikki ochkoga ortda qoldirib turibdi.
