Slutskiy boshqaruvidagi Shanxay Shenshuxua Osiyo Chempionlar ligasidan chiqib ketdi

Osiyo Chempionlar ligasida seshanba kuni «Shanxay Shenshuxua» (Xitoy) o‘z maydonida Yaponiyaning «Matida Zelviya» jamoasini qabul qildi. Leonid Slutskiy shogirdlari 0:2 hisobida mag‘lub bo‘ldi. Bu haqda euro-football.ru xabar beradi.

Mehmonlar uchrashuvning 3-daqiqasidayoq hisobni ochdi, yakunda esa 88-daqiqada farqni mustahkamladi. Har ikki gol muallifi — Yuki Soma bo‘lib, u dubl qayd etdi.

Ushbu mag‘lubiyatdan so‘ng «Shanxay Shenshuxua» umumiy bosqichning yetti turida atigi to‘rt ochko jamg‘argan holda pley-off yo‘llanmasi uchun kurashish imkoniyatini yo‘qotdi.

Eslatib o‘tamiz, Leonid Slutskiy Xitoy klubini 2023 yil oxirida qabul qilib olgan edi.