Ronaldu atrofidagi vaziyat Al-Nasr rahbariyatini o‘zgartirdi

Krishtianu Ronaldu bilan bog‘liq noroziliklar klub ichida iz qoldirganga o‘xshaydi. Arriyadiyah xabariga ko‘ra, Muhammad al-Skit «Al-Nasr» direktorlar kengashi raisi lavozimidan iste’fo berdi. Bu haqda euro-football.ru xabar beradi.

Manbaga ko‘ra, funksioner qarorini shaxsiy sabablar bilan izohlagan, biroq tafsilotlarni ochiqlamagan.

Avvalroq klubda Ronalduga yaqin hisoblangan portugaliyaliklar — Joze Semedu va Simau Koutinyo vakolatlari qayta tiklangani haqida xabarlar tarqalgan edi. Shuningdek, yulduz hujumchi klubdan ichki muammolarni bartaraf etish bo‘yicha aniq va’dalar olgani aytilmoqda.

Qayd etilishicha, «Al-Nasr» boshqaruvidagi o‘zgarishlar bundan keyin ham davom etadi. Jamoa hozir turnir jadvalida ikkinchi o‘rinda bormoqda.