Djikija Antalyaspor'dagi holati haqida qisqa izoh berdi
Turkiyaning «Antalyaspor» klubi himoyachisi Georgiy Djikija jamoa safidagi hozirgi ahvoli yuzasidan fikr bildirdi. 32 yoshli futbolchining so'zlari aks etgan videoni «FNL s Ilyovym» telegram-kanali e'lon qildi. Bu haqda euro-football.ru xabar beradi.
— «Antalyaspor»da ishlar qalay? — degan savolga Djikija «Hammasi yaxshi, rahmat», deya javob qaytardi.
Keyingi savolda Turkiyadagi sharoit va hayot uni qoniqtiryaptimi, deb so'ralganda, himoyachi kulimsirab: «Turkiyada hammasi joyida», — dedi.
Djikija «Antalyaspor» safiga o'tgan yozda kelib qo'shilgan. Shundan beri u 13 uchrashuvda maydonga tushib, 2 ta gol muallifiga aylangan.
Hozirda «Antalyaspor» Turkiya Superligasi turnir jadvalida 14-o'rinda bormoqda. Jamoa navbatdagi o'yinini 13-fevral kuni o'z maydonida «Samsunspor»ga qarshi o'tkazadi.
