Naumov Mourinyoga Saudiya chempionatini munosib manzil dedi
“Lokomotiv”ning sobiq prezidenti Nikolay Naumov “Benfika” bosh murabbiyi Joze Mourinyoning keyingi faoliyati uchun qaysi liga mos kelishini aytdi. U bu fikrlarini “Yevro-Futbol.Ru” nashriga bergan intervyusida bildirib o‘tdi. Bu haqda euro-football.ru xabar beradi.
Naumovning ta’kidlashicha, Mourinyoning eng kuchli davri ortda qolgan bo‘lishi mumkin: u murabbiyga biroz tanaffus kerakligini, futbol rivoji nuqtayi nazaridan esa oldingidek yangilik va kutilmagan yechimlar bilan ajralib turmay qolganini qayd etdi.
Ekspert nazarida, Mourinyo uchun eng qulay yo‘nalish — Saudiya Arabistoni. Naumov bu yerda maoshlar yuqori ekanini, shov-shuv va mojarolar ko‘proq yoqishini, shuningdek, tajribali va yoshi katta yulduz futbolchilar bilan ishlash imkoniyati ham borligini aytdi.
Eslatib o‘tamiz, Mourinyo boshqaruvidagi “Benfika” Chempionlar ligasi 1/16 finalida Madridning “Real” jamoasiga qarshi maydonga tushadi. Dastlabki uchrashuv 17 fevral kuni Portugaliyada bo‘lib o‘tadi.
