Ronaldu atrofidagi mojaro fonida Al-Nasr rahbari iste'foga chiqdi

Krishtianu Ronaldu bilan bog'liq boykot klub ichida iz qoldirdi. Arriyadiyah xabariga ko'ra, Mohammed al-Skit «Al-Nasr» direktorlar kengashi raisi lavozimidan iste'foga chiqish haqida ariza topshirdi. Funksioner qarorini shaxsiy sabablar bilan izohladi, biroq tafsilotlarni ochiqlamadi. Bu haqda euro-football.ru xabar beradi.

Avvalroq «Al-Nasr»da Ronalduga yaqin bo'lgan portugaliyaliklar — Joze Semedu va Simao Koutinyo vakolatlari qayta tiklangani aytilgandi. Manbalarga ko'ra, yulduz hujumchi klubdan ichki muammolarni bartaraf etish bo'yicha aniq kafolatlar olgan.

Qayd etilishicha, «Al-Nasr»ning boshqaruv tizimidagi o'zgarishlar bundan keyin ham davom etadi. Jamoa ayni paytda chempionat jadvalida ikkinchi o'rinda bormoqda.