Krishtianu Ronaldu qizi bilan birga sportzalda shug'ullandi

Krishtianu Ronalduning jufti Jorjina Rodriges ijtimoiy tarmoqlarda yangi surat joyladi. Unda yulduz hujumchi sportzalda gantel bilan mashq qilayotgani aks etgan. Bu haqda euro-football.ru xabar beradi.

41 yoshli futbolchi yonida uning qizlaridan biri ham ko'rinadi. Qizaloq ham gantel ushlab turgan, biroq u kichkina va pushti rangda.

Jorjina suratga qisqa izoh ham qoldirdi: «Dada».

Bundan avval Rodriges Ronalduni tug'ilgan kuni bilan tabriklagan post e'lon qilgandi. Qizig'i, bu tabrik futbolchi 41 yoshga to'lganidan bir kun o'tib sahifaga joylangan.

So'nggi paytlarda Ronaldu «Al-Nasr»ning bir nechta o'yinini o'tkazib yubordi. OAVda portugaliyalik futbolchi klub boshqaruvidan norozi bo'lgani uchun uchrashuvlarni boykot qilayotgani haqida xabarlar tarqaldi.