Marsel bosh murabbiyligiga yana bir nomzodni ko'rib chiqmoqda

Fransiyaning «Marsel» klubi Roberto De Dzerbi bilan xayrlashgach, bosh murabbiy masalasida yana bir variantni kun tartibiga olib chiqdi. Bu haqda euro-football.ru xabar beradi.

Foot Mercato xabariga ko'ra, Saudiy Arabistonida ishlayotgan Serjiu Konseysaudan tashqari, marselliklar Habib Beye nomzodini ham ko'rib chiqmoqda.

Beye avval «Renn»da bosh murabbiy bo'lib ishlagan. U 9 fevral kuni so'nggi to'rtta uchrashuvdagi qoniqarsiz natijalar sabab lavozimidan chetlatilgandi.

21 turdan keyin «Marsel» 39 ochko bilan turnir jadvalida 4-o'rinda bormoqda. Uning oldida «Lion» (42), «Lans» (49) va «PSJ» (51) joylashgan.