Arne Slot Liverpulning Chempionlar ligasi yo'llanmasi haqida gapirdi

“Liverpul” bosh murabbiyi Arne Slot jamoasining keyingi mavsum Yevropa Chempionlar ligasida qatnashish imkoniyatlari haqida fikr bildirdi. Bu haqda euro-football.ru xabar beradi.

Niderlandiyalik mutaxassisning aytishicha, “qizillar” Chempionlar ligasi zonasiga yaqin turibdi, biroq turnir jadvalining yuqori qismida ochkolarni quvib yetish ancha murakkab. Slot ta'kidlashicha, pastdagi jamoalar tez-tez ochko yo'qotadi, yetakchilar esa kamroq qoqiladi, shu bois yuqoriga ko'tarilish uchun har uchrashuvda g'alaba qozonish zarur.

Hozirgi vaqtda “Liverpul” APL turnir jadvalida 42 ochko bilan 6-o'rinda bormoqda.