Djikija Turkiyadagi faoliyati bo‘yicha savollarga javob berdi
Antalyaspor himoyachisi Georgiy Djikija Turkiyadagi holati yuzasidan qisqa izoh berdi. 32 yoshli futbolchining so‘zlari aks etgan video «FNL s Ilyovym» telegram-kanalida e’lon qilindi. Bu haqda euro-football.ru xabar beradi.
Jurnalistlar undan klubdagi ishlari qanday ketayotgani haqida so‘raganda, Djikija «hammasi yaxshi» deya javob qaytardi. Turkiyadagi sharoitlar ko‘ngildagidekmi, degan savolga esa u kulimsirab, hammasi joyida ekanini ta’kidladi.
Eslatib o‘tamiz, Djikija o‘tgan yozda Antalyaspor safiga qo‘shilgan. Shu vaqt ichida u 13 ta uchrashuvda maydonga tushib, 2 ta gol urishga ulgurdi.
Hozirda Antalyaspor Turkiya Superligasi turnir jadvalida 14-o‘rinda bormoqda. Jamoaning navbatdagi o‘yini 13-fevral kuni o‘z maydonida Samsunsporga qarshi bo‘lib o‘tadi.
