Semin Safonovning PSJdagi o'yinini yuqori baholadi

Rossiya terma jamoasining sobiq bosh murabbiyi Yuriy Semin «Yevro-Futbol.Ru» nashriga bergan intervyusida PSJ darvozaboni Matvey Safonovning joriy mavsumdagi samaradorligi haqida fikr bildirdi. Bu haqda euro-football.ru xabar beradi.

Seminning ta'kidlashicha, Safonov hozirda Parij klubining aniq asosiy posboni hisoblanadi va start tarkibida maydonga tushishga munosib. Mutaxassis darvozabon xatoga yo'l qo'ysa, o'yin amaliyoti kamayishi mumkinligini ham qayd etdi.

26 yoshli darvozabon Liga 1da shu mavsum to'rtta uchrashuvda maydonga tushib, uchta gol o‘tkazib yubordi. Ikki o‘yinda esa darvozasi daxlsizligini saqlab qoldi. Chempionlar ligasida Safonov ikki bahsda ishtirok etib, bir gol o‘tkazdi.

Safonovning PSJ bilan amaldagi shartnomasi 2029 yilning o'rtalarigacha mo'ljallangan.