Piter Krauch Arsenal uchun bu mavsum imkoniyat katta dedi

Angliya chempionatida so‘nggi yillarda tez-tez takrorlanadigan holat bor: «Arsenal» mavsumning ikkinchi qismida peshqadamlikni qo‘lga oladi, biroq yakunda chempionlik poygasida ochkolarni boy berib qo‘yadi. Sobiq angliyalik hujumchi Piter Krauch bu yil vaziyat boshqacha ekanini ta’kidladi. Bu haqda euro-football.ru xabar beradi.

Krauchning fikricha, Mikel Arteta jamoasi har mavsum orttirayotgan tajriba evaziga yanada pishib bormoqda. Eng muhimi, raqiblar hozir inqiroz holatida: odatdagidek barqaror va kuchli ko‘rinmayapti, jumladan «Manchester Siti» ham. Shu sabab «Arsenal»da chempionlik uchun real imkoniyat bor, deya u BBC Sport’ga bildirib o‘tdi.

«Arsenal» oxirgi marta Angliya chempioni unvonini 2004 yilda qo‘lga kiritgan.