Djikiya maosh kechikishi sabab klubini o‘zgartirishi mumkin

Turkiyaning Antalyaspor jamoasida to‘p surayotgan rossiyalik himoyachi Georgiy Djikiyaning kelajagi borasida uning agenti Malik Arutyunov izoh berdi. Bu haqda euro-football.ru xabar beradi.

Agentning aytishicha, futbolchi maoshning kechiktirilayotgani tufayli norozi va shu sabab Rossiya Premer-ligasidagi klublar variantlarini ko‘rib chiqmoqda. Arutyunov maosh masalasi noyabrdan beri cho‘zilayotganini, biroq Djikiya Turkiyadagi boshqa sharoitlardan mamnun ekanini ta’kidladi.

32 yoshli himoyachi Antalyaspor safiga o‘tgan yil yozida qo‘shilgandi. U turk klubi bilan ikki yillik shartnoma imzolagan.

Joriy mavsum Turkiya Superligasida Djikiya 12 ta uchrashuvda maydonga tushdi, 2 ta gol urdi va 3 marta sariq kartochka oldi.