Valensiya 1989 yildan beri eng kam gol urmoqda
«Valensiya» XXI asrda gollar bo‘yicha eng omadsiz mavsumini o‘tkazmoqda. 23-turdan keyin jamoa atigi 23 bor raqib darvozasini ishg‘ol qildi — o‘rtacha har o‘yinda bittadan gol. Bu haqda euro-football.ru xabar beradi.
Taqqoslash uchun, «Barselona» shu paytgacha 63 ta gol urib ulgurdi va o‘rtacha ko‘rsatkichi 2,75 ga teng. «Ko‘rshapalaklar»ning hujumdagi muammolari so‘nggi yillarda ham sezilib kelayotgandi: o‘tgan mavsum 23 turdan so‘ng 24 ta, undan avvalgi mavsumda esa 29 ta gol qayd etilgan.
Ammo hozirgi natija deyarli qariyb qirq yillik tanaffusdan keyingi eng yomon ko‘rsatkich: 1988/1989 mavsumida 23 turdan so‘ng «Valensiya»da 22 ta gol bo‘lgan. O‘sha jamoa kam gol urgani bilan himoyada nihoyatda ishonchli o‘ynagan — mavsumni uchinchi o‘rinda yakunlab, atigi 26 ta gol o‘tkazgan va bu chempionatdagi eng yaxshi natija edi.
Hozirgi «Valensiya»da esa vaziyat boshqacha: jamoa allaqachon 37 ta gol o‘tkazib yuborgan. Bu ko‘rsatkich liga jadvalida eng yomonlar qatorida, pastdan ikkinchi natija bo‘lib turibdi.
