Yuventus Manchester Yunaytedga Kalulyuni bermaslikka urinmoqda

Fransuz himoyachisi Pyer Kalulyu Angliyaga yoʻl olishi mumkin. Tribal Football xabariga ko‘ra, futbolchining transferi «Manchester Yunayted»ning qiziqishlari markazida turibdi. Bu haqda euro-football.ru xabar beradi.

«Yuventus» esa ingliz klubining rejalari haqida xabardor. Shu sabab turinliklar Kalulyuga maoshini oshirgan holda yangi shartnoma taklif qilishni ko‘zlamoqda. Hozirgi kelishuv 2029 yilgacha amal qiladi.

Kalulyu joriy mavsum A Seriyada 25 uchrashuvda maydonga tushib, 2 gol urdi va 3 assist qayd etdi. «Yuventus»ning «Inter»ga qarshi so‘nggi o‘yinida (2:3) himoyachi maydondan chetlatilgandi.