Rokki Inter va Yuventus o‘yinidagi hakam xatosini tan oldi

A Seriyadagi «Inter» – «Yuventus» bahsi 3:2 hisobidagi dramatik g‘alaba bilan yodda qolishi kerak edi, biroq uchrashuvdan keyin eng ko‘p muhokama qilingan epizod hakamning qo‘pol xatosi bo‘ldi. Bu haqda euro-football.ru xabar beradi.

O‘yinning birinchi bo‘limi yakuniga yaqin Federiko La Penna «Yuventus» futbolchisi Pyer Kalulyuga asossiz tarzda sariq kartochka ko‘rsatdi. Vaziyatda «Inter» himoyachisi Alessandro Bastoni jarima olish uchun o‘zini tashlagani aytildi.

Eng muhim jihati — VAR bu holatga aralasha olmadi, chunki amaldagi protokol sariq kartochkalar bilan bog‘liq epizodlarda video yordamidan foydalanishga ruxsat bermaydi.

Italiya hakamlar korpusi rahbari Janluka Rokki ushbu holat yuzasidan fikr bildirib, La Pennaning qarori ochiqchasiga xato bo‘lganidan afsusda ekanini, shuningdek, VAR orqali xatoni tuzatish imkoni bo‘lmaganini ta’kidladi.

Hozirda «Inter» A Seriyada peshqadamlik qilmoqda.