Bavariya Noyer jarohati yuzasidan rasmiy bayonot berdi

Myunxenning «Bavariya» klubi bir muddat jamoa sardori Manuel Noyersiz qoladi. Klub o‘z rasmiy saytida darvozabonning jarohati haqida ma’lumot e’lon qildi. Bu haqda euro-football.ru xabar beradi.

Bundesliga doirasida «Verder»ga qarshi o‘yinda Noyer chap boldir mushagida mushak tolasi yirtilishi (nadryv) jarohatini oldi.

«Bavariya» 39 yoshli posbonning tiklanish muddatlarini hozircha ochiqlamadi. Germaniya OAV avvalroq Noyer 21-fevral kuni «Ayntraxt»ga qarshi uchrashuvni o‘tkazib yuborishi mumkinligini yozgandi.

Eslatib o‘tamiz, «Bavariya» «Verder»ni 3:0 hisobida yirik tarzda mag‘lub etdi. Myunxenliklar Bundesligada ishonchli yetakchilik qilmoqda: ikkinchi o‘rindagi Dortmundning «Borussiya»sidan 6 ochko oldinda.