Elagin Ronaldu boykotdan keyin maydonga qaytdi va gol urdi

Saudiya Arabistoni chempionatining 22-turida safarda o‘tgan bahsda “Al-Nasr” “Al-Fateh” ustidan 2:0 hisobida g‘alaba qozondi. Uchrashuvdagi gollardan biriga 41 yoshli markaziy hujumchi Krishtianu Ronaldu mualliflik qildi. Bu haqda euro-football.ru xabar beradi.

Boykotdan so‘ng yana maydonga qaytgan portugaliyalik yulduzning o‘yini futbol sharhlovchisi Aleksandr Elagin e’tiborini tortdi. U Ronaldu nafaqat gol urgani, balki himoyada ham faol ishlagani, jarima maydonchasi ichida bir necha bor to‘pni uzoqlashtirganini ta’kidladi.

“Buyuk futbolchi qaytdi va gol urdi. U shunchaki gol bilan kifoyalanmay, himoyada ham jonbozlik ko‘rsatdi — bir necha marta darvozabon maydonidan to‘pni tepib yubordi. Go‘yo yigit boladek yuguryapti. Ham qoyil qoldim, ham havasim keldi”, — deb yozdi Elagin ijtimoiy tarmoqlarda.

Joriy mavsumda Saudiya Arabistoni chempionatida Ronaldu 19 o‘yinda 18 ta gol urdi.