Yelagin Ronaldu boykotdan keyin maydonga qaytdi va gol urdi

Saudiya Arabistoni chempionati 22-turi doirasidagi safar uchrashuvida «Al-Nasr» «Al-Fateh»ni 2:0 hisobida mag‘lub etdi. Gollardan biriga 41 yoshli hujumchi Krishtianu Ronaldu mualliflik qildi — u boykotdan so‘ng yana maydonga qaytdi. Bu haqda euro-football.ru xabar beradi.

Uchrashuvdan keyin futbol sharhlovchisi Aleksandr Yelagin portugaliyalik yulduzning o‘yiniga yuqori baho berdi.

«Buyuk futbolchi boykotdan keyin qaytdi va gol urdi! Faqat gol urish bilan cheklanmay, himoyada ham astoydil ishladi — bir necha bor jarima maydonida to‘pni uzoqlashtirdi. Go‘yo bola kabi yuguradi! Ham qoyil qoldim, ham havas qildim», — deb yozdi Yelagin ijtimoiy tarmoqlarda.

Joriy mavsumda Ronaldu Saudiya Arabistoni chempionatida 19 o‘yinda 18 ta gol urdi.