Zaharyan Real Sosedadning yaqin o'yin qaydnomasiga kirishi mumkin

Real Sosedad matbuot attashesi Yon Ander Munduate yarim himoyachi Arsen Zaharyanning navbatdagi uchrashuvda maydonga tushishi ehtimoli haqida izoh berdi. Bu haqda euro-football.ru xabar beradi.

Rossiyalik futbolchi jarohat sabab bir nechta o'yinni o'tkazib yuborgandi, biroq yaqinda umumiy guruh mashg'ulotlariga qaytdi.

Munduatening aytishicha, agar Arsen hafta oxirigacha yana biror shikast olmasa, u Oviedo'ga qarshi bellashuv uchun jamoa tarkibiga kiritilishi kerak.

Joriy mavsumda 22 yoshli Zaharyan barcha musobaqalarda 16 ta uchrashuvda qatnashib, 1 ta gol urdi.

Ispaniya La Ligasining 25-turida Real Sosedad va Real Oviedo 21-fevral kuni to'qnash keladi. Uchrashuv 18:00 da (Toshkent vaqti bilan) start oladi.