Nant klub tarixidagi antirekordni takrorlash arafasida turibdi

Fransiyaning "Nant" jamoasi o‘z tarixidagi eng yomon seriyalardan birini qaytarish xavfi ostida qoldi. Klub ketma-ket besh bor mag‘lub bo‘lib, mamlakatning eng sovrindor jamoalaridan biri uchun og‘riqli davrni boshdan kechirmoqda. Bu haqda euro-football.ru xabar beradi.

Agar navbatdagi uchrashuvda ham omad kulib boqmasa, "Nant" 1999 yil kuzida qayd etilgan antirekordni takrorlaydi. O‘shanda jamoa Reynal Denueks qo‘l ostida Fransiya chempionatida ketma-ket olti o‘yinda yutqazgan, u keyinchalik Ispaniyaning "Real Sosedad" klubida rossiyalik yarim himoyachi Valeriy Karpin bilan ham ishlagan.

Fransiya chempionatining keyingi turida "Nant" "Gavr"ga qarshi maydonga tushadi.