RB Leyptsig asosiy darvozabonidan vaqtincha ayrildi

RB Leyptsig kamida bir yarim oyga jamoaning tajribali posboni Peter Gulachisiz qoladi. Bu haqda klub matbuot xizmati ma’lum qildi. Bu haqda euro-football.ru xabar beradi.

Vengriyalik darvozabon Bundesliga doirasida “bo‘rilar”ning “Volfsburg”ga qarshi uy uchrashuvida jarohat oldi va birinchi bo‘limning o‘zidayoq maydonni tark etdi.

Yaxshi tomoni — futbolchiga jarrohlik amaliyoti kerak bo‘lmaydi. Tibbiy tekshiruvlar Gulachining chap tizzasidagi medial kollateral bog‘lam uzilganini ko‘rsatdi. U joriy mavsumda 22 rasmiy o‘yinda maydonga tushib, 10 tasida darvozasi daxlsiz qolgan.

Hozirda RB Leyptsig Germaniya chempionati turnir jadvalida 40 ochko bilan beshinchi pog‘onada bormoqda.