Bulykin Safonov va Xaykinning kuchli tomonlarini taqqosladi

Rossiya terma jamoasining sobiq hujumchisi Dmitriy Bulykin darvozabonlar Nikita Xaykin va Matvey Safonov haqida fikr bildirdi. Ikki rossiyalik posbon mos ravishda Norvegiyaning «Bude-Glimt» va fransuz «PSJ» klublarida to‘p surmoqda. Bu haqda euro-football.ru xabar beradi.

Bulykinning aytishicha, jismoniy ko‘rsatkichlar bo‘yicha Safonovning ustunligi bor. Biroq Xaykin yuqori darajada o‘zini allaqachon isbotlagani, «Bude-Glimt» safida ishonchli o‘yin ko‘rsatib, jamoani “olib chiqishi” va jiddiy natijalarga erishishi mumkinligini ta’kidladi.

Chempionlar ligasi pley-offida «Monako» «PSJ»ga qarshi, «Bude-Glimt» esa Milan «Inter»iga qarshi maydonga tushadi. Uchrashuvlar 17 va 18 fevral kunlari bo‘lib o‘tadi.