Boka Xuniors yangi sport direktorini rasman tayinladi

Argentina grandi «Boka Xuniors» klubida sport direktori lavozimiga yangi nom tayinlandi: bu vazifani Marselo Delgado bajaradi. U klub prezidenti Xuan Rikelme bilan yaqin hamkorlikda ishlaydi. Bu haqda euro-football.ru xabar beradi.

«Boka» tarkibni zudlik bilan kuchaytirishga muhtoj va endi Rikelme hamda Delgado dueti aynan shu yo'nalishda faol ish olib borishi kutilmoqda.

Delgado futbolchilik faoliyatida ham katta tajribaga ega: u Argentina terma jamoasida 1995–2002 yillarda 18 uchrashuv o'tkazgan va 1998 yilgi Jahon chempionatida ham maydonga tushgan.

Shuningdek, 2003 yilda u Libertadores kubogida «Santos» hujumchisi Rikardo Oliveyra bilan birga musobaqaning eng ko'p gol urgan futbolchisi sifatida qayd etilgan.